jueves, 27 de octubre de 2011

LOS AÑOS XABACES DE XICU

Llevaba tiempu con ganes de facer una páxina a partir del cantar "Frank's Wild Years" de Tom Waits. Más qu'un cantar ye un recitáu qu'apaez nel discu "Swordfishtrombones" de 1983, nun confundir con un discu llamáu "Frank's Wild Years" de 1987. Conocíalu hai tiempu, pero nun me fixara na lletra hasta que conocí la versión fecha pol grupu arxentinu La Chicana nel so discu "Un giro extraño" del añu 2000 y qu'apaez col nome de "Los años de Joda de Anibal". Nel casu de La Chicana apaez recitáu pol llider y autor de l'adaptación de la lletra de Waits, Acho Estol anque nun discu posterior tienen otra versión recitada pola cantante'l grupu Dolores Solá. La orixinal fala de Los Ánxeles, la de Estol fala de Buenos Aires y la que yo fice pasa en Xixón. Déxovos equí les dos páxines y la versión arxentina, que paga la pena sentila. De pasu recomiéndovos oyer tanto a Tom Waits como a La Chicana, grandes músicos toos.

Que vos preste.





lunes, 10 de octubre de 2011

¿YES DE MIERES?

-Esta páxina ta inspirada nuna conversación real que sentí nun chigre'l barriu "El Llano" el 15 d'agostu de 2010 y anoté na mio axenda.

RUMA