ANXELÍN

-Esta ye una idea que m'apurrió'l mio pá.

SOLUCIÓN D'EL FUXITIVU

Naide sacó tolos llagares, andamos un pelín floxos de conocencia sidrera. El que más s'arrimó foi Raúl Alba Zabalo, pero faltó-y unu. Esta ye la llista, en mayúscula van los nomes de los llagares. A mi sálenme 38, pero igual hai dalgunu más.

EL FUXITIVU
 
Soi FUXITIVU d’una RIESTRA de delitos
QUELO dixera bien alto’l GOBERNADOR
por ser TRAVIESU cola VIUDA DE CORSINO
y tener ROCES cola VIUDA D’ANXELÓN
 
Vivo de FRUTOS atropaos nos PANIZALES
n’algún CEREZU o del suelu un CASTAÑÓN
d’una LLARADA de boles nos ACEBALes
voi conTRABANCOs pa ganame la pensión.
 
Llegué al CASTIELLU del DUQUE de FONCUEVA
igual qu’un CORZU esguilé pel murallón
la ESCALADA foi más dura que l’URRIELLU
dende la TORRE columbraba VALDORNÓN.
 
Nun fui a topar a LA VIUDA d’aquel PALACIU
había una sala ESTRADA de rellumón
taben Gabino, Tini y hasta ZAPATERO
Fernando ALONSO facía d’anfitrión.
 
La picoleta yá me ROZA los calcaños
como’l mio GÜELU van llevame pal cuartón
hoi hai borrín densu como una CORTINA
voi pel CAMÍN col mio Talbot ORIZÓN.
 
Llibré de churru de chocar cola NOZALA
cuando de sópitu cayera un ARGAYÓN
cantái a CORO que finaron los mios díes
nuna CANAL estampáu contra un PEÑÓN.

EL FUXITIVU

Esti par de páxines tan feches a partir d'un corridu mexicanu qu'escribí hai unos años pal grupu Los Ciquitrinos. Enxamás llegamos a tocalu en directo, asina que ye inéditu. Dientro'l testu d'estes páxines van los nomes de dellos llagares asturianos, a la primer persona que me mande un corréu col llistáu de llagares qu'apaecen, mándo-y los orixinales. Nun valen los ex-Ciquitrinos que yá los saben.

Que vos preste.

RUMA